Iñaki Inverno:Samarkanda e Buxoro

Aí vos mando, ao mesmiño centro da rota da seda, actualmente a ex-república soviética de Uzbequistán. Mola, eh?

O plan é sinxelo: Voamos con Turkish Air desde o Porto vía Estambul. Iso si, xa aviso que se queredes esta viaxe hai que reservar con algo de tempo, porque senón os prezos se disparan. Reservando hoxe para outubro o voo pode saír entre 643 e 776 €. 


En Samarcanda os hoteis son alucinantemente baratos (Booking dixit): vin cousas decentes por 100 € tres noites. De Samarcanda a Buxoro (coñcida polos occidentais como Bukhara) trasladámonos en tren, e aquí tamén os hoteis son baratos, aínda que menos. En todo caso, como quedarían uns 300 € unha vez descontado o voo, dá de sobra para uns 6 días e mesmo podería chegar para taxis. 

O regreso, de novo tren a Samarkanda e voo de volta. Se vos interesase mesmo existe a posibilidade de que o voo a Samarcanda desde Estambul saia case 23 horas despois da chegada, así teriades un día para botar unha ollada a Estambul.