David Outono/Inverno

París non remata nunca

Unha semana enteira para percorrer a cidade das cidades, a cidade luz, a que un día foi capital do mundo. Unha semana enteira para descubrir a París oculta máis alá da Torre Eiffel e Montmartre, ou para ir a ese museo ao que nunca vamos porque sempre están antes os de sempre, ou facer as rutas máis orixinais. Unha semana enteira para achegarnos aos barrios menos visitados, como Belleville ou Clichy, e descubrir que neles aínda aniña a vida auténtica, a vida cotiá, sen máscaras turísticas e sen perder a beleza do vernáculo. Unha semana enteira en París sempre vai ser unha semana inesquecible.

O apartamento ao que iremoschámase Little Paradise Historic Center, e está situado na Illa de San Luís, pegadiña á Illa da Cidade, preciosa de ver e pasear, e situada no mesmo centro de París. Como di un dos que se hospedou al: ´”El vecindario inolvidable, lleno de tiendas, casas de comida, heladerías, panaderías y una lista de etcéteras interminable”.

Neste enlace podedes ver os comentarios e as fotos do apartamento, que non fun quen de descargar. https://www.airbnb.es/rooms/22384?checkin=01%2F10%2F2015&checkout=04%2F10%2F2015&guests=2&s=73Dl

E aquí tedes algunhas fotos da Illa

Podemos atopar hoteis máis baratos en París, pero non van estar a carón de Nôtre Dame nin van ser tan confortables como o noso propio apartamento.

E, se xa estivestes, non desbotedes a oportunidade de voltar a París: sempre reserva sorpresas.