Que se pode dicir da Madeira que non se teña
dito xa? Unha marabilla de lugar, con boas temperaturas todo o ano e unhas
paisaxes espectaculares, o lugar ideal para escapar da longa noite de pedra
compostelá.
Esta vez mándovos a un lugar retirado a
relaxarvos: a Fajã dos Padres. Unha antiga explotación agrícola xesuíta situada
case ao pé do Cabo Girão, o segundo acantilado máis alto do mundo. Unha pequena
franxa de terra no sur da illa unicamente accesible desde o mar ou a través dun
elevador que descende en 4 minutos os máis de 250 m de desnivel.
O lugar aínda hoxe é unha explotación agrícola
espectacular (aínda que xa non da igrexa) e alí están restauradas as antigas
casas dos caseiros da finca como lugar de vacacións. Unicamente cinco casas,
polo que non teredes moitas pelexas para bañarvos na praia (iso si, da
callaus). As casa teñen cociña, algunhas ata barbacoa, e tamén hai un
restaurante por se non vos apetece cociñar. 
A miña proposta é: avión desde Oporto (para que
saia barato igual hai que pernoctar nun hotel preto do aeroporto) + aluguer de
coche + estadía en réxime de aloxamento e almorzo. Dependendo do voo, do tempo
antes que se reserve, etc. pode variar moito de prezo, pero agora mesmo dáme para setes días en marzo sen ningún
problema.
A relaxarvos lonxe do mundanal ruído!!
No hay comentarios:
Publicar un comentario